காதல் மொழி- யாழ்ப்பாணத்திலிருந்து ஒரு இசைக்காணொளி(காணொளி)

பிப்ரவரி 13, 2012
காதலர் தினத்தைச் சிறப்பிக்கும் வகையில் யாழ்ப்பாணத்தை சேர்ந்த இளம் கலைஞர்களின் படைப்பாக காதல் மொழி எனும் பாடல் வெளிவந்துள்ளது.தமிழ் மொழியை காதலிப்பதாக அமைந்துள்ள இப்பாடல் நவீன தொழில்நுட்ப தரத்துடன் அதி உயர் வடிவத்தில் (1080p Full HD) நேர்த்தியாக படமாக்கப்பட்டுள்ளமை வெகுவாகக் கவர்ந்துள்ளது.
இளம் இசையமைப்பாளர் SJ ஸ்ரலின் பாடலின் வரிகளை எழுதி இசையமைத்துப் பாடியுள்ளார். கடந்தவருடம் இவரது இசையில் வெளிவந்த தண்ணீர் குறும்படம் சிறந்த இசைக்கான விருதினை பெற்றிருந்ததோடு, இவரது அண்மையில் வெளிவந்த தமிழ் கொலைவெறி யாழ்ப்பாணப் பதிப் இசைக்காணொளி உலகம் பூராகவும் பலரது வரவேற்பையும், சர்ச்சையையும் ஏற்படுத்தி இருந்தது குறிப்பிடத்தக்கது.

இவ் இசைக்காணொளியை யாழ்-மியூசிக் நிறுவனம் தயாரித்து வெளியிட்டுள்ளது. இக் காணொளி யாழ்-மியூசிக்
 நிறுவனத்தின் இரண்டாவது படைப்பு என்பது குறிப்பிடத்தக்கது. நாமும் இக்கலைஞர்களை வாழ்த்துவோம்

Lyrics:
இதயம் பேசும் மௌன மொழி – அது
உனையும் எனையும் இணைக்கும் வழி
அகமும் புறமும் இரண்டு விழி – அது
அன்பில் திளைத்திடும் காதல் மொழி

ஆதி முதல் காதல் தான் உண்மை
ஜாதி மத பேதம் இங்கில்லை
அன்பே இறைவனின் குணமது…

என் தாயுமாகினாய்
உயிர்க் காதலி நீயே – இந்த
ஜென்மம் கொண்ட பிறவிப் பயனும்
நீயே அன்பே…

வாழ்வென்பது ஒரே ஒருமுறை
வாய்ப்பும் வரும் ஒருதடவை – உண்மைக்
காதல் உன்னைத் தேடி நிற்குதே
வா வா என் நண்பனே

ஜாதி இன மத மொழி பேதம் இங்கின்றி
ஆடல் பாடல் ஊடல் உணர்தல் இவையொடு
இனிதின் நுகரும் இமையோர்க்கு இன்குரலாய்
எழில் கொள் இறைவனின் இந்திரவிழா
காமன்விழா வேனில்விழா
வசந்தவிழா காதலுக்கோர் திருவிழா

காலம் மாறிப்போகும் – வாழ்வின்
கோலம் சாயம் போகும் – உண்மைக்
காதல் கொண்ட நெஞ்சம் என்றும் ஓய்ந்து போகுமா?

வானின் நீலம் அற்றுப்போகும் – கடலில்
நீரும் வற்றிப்போகும் – காதல்
காயம் கொண்ட உள்ளம் மட்டும் ஆறாதம்மா…

ரோமியோவின் காதல் – லைலா
மஜ்னு கொண்ட காதல் – சாஜகானின்
தாஜ்மகாலாய் காதல் சின்னமானதே..

அன்பைச் சொல்லத் தூது
கோடி வார்த்தைக் ஈடு ஏது? – ரத்த
ரோஜா ஒன்றே காதல் சொல்ல போதுமானதே..

என் தாயுமாகினாய்…

தமிழன் காதலி தாய்த் தமிழாகிட ஏங்கிடும்
ஒரு சிறு கவிஞன் நான்
தமிழ்தான் எந்தன் காதலி என்றே
யாழிசை மீட்டிடும் கலைஞன் நான் – 2

இதயம் பேசும்…(1)